નવી દિલ્હી:કેન્દ્રીય તપાસ બ્યુરોએ દિલ્હીના મુખ્યમંત્રી અરવિંદ કેજરીવાલ વિરુદ્ધ કાર્યવાહી તેજ કરી છે. સીબીઆઈએ સોમવારે કથિત દારૂ કૌભાંડમાં ધરપકડ કરાયેલ આમ આદમી પાર્ટીના રાષ્ટ્રીય સંયોજક વિરુદ્ધ રાઉઝ એવન્યુ કોર્ટમાં ચાર્જશીટ દાખલ કરી છે. સ્પેશિયલ જજ કાવેરી બાવેજાની કોર્ટમાં ચાર્જશીટ દાખલ કરવામાં આવી છે. આમ આદમી પાર્ટીના વડાને ઈડી કેસમાં સુપ્રીમ કોર્ટમાંથી વચગાળાના જામીન મળી ગયા છે. જાે કે ઈડીએ તેની સામે ચાર્જશીટ પણ દાખલ કરી છે, જેમાં કેન્દ્રીય તપાસ એજન્સીએ તેને દારૂ કૌભાંડનો મુખ્ય ષડયંત્રકાર ગણાવ્યો છે.વિકાસની જાણકારી ધરાવતા લોકોએ કહ્યું કે કેજરીવાલને કથિત દારૂ કૌભાંડમાં મુખ્ય કાવતરાખોરોમાંના એક તરીકે વર્ણવવામાં આવ્યા છે જેમાં આમ આદમી પાર્ટીએ ૧૦૦ કરોડ રૂપિયાની લાંચ લીધી હોવાનો આરોપ છે. ગયા મહિને, કેજરીવાલના રિમાન્ડની માંગ કરતી વખતે, સીબીઆઈએ કોર્ટને કહ્યું હતું કે, ‘અરવિંદ કેજરીવાલ ગુનાહિત ષડયંત્રના મુખ્ય કાવતરાખોરોમાંથી એક છે. એવું બહાર આવ્યું છે કે કેજરીવાલના નજીકના સાથી વિજય નાયર (આપ ના ભૂતપૂર્વ મીડિયા પ્રભારી) દારૂના વેપારીઓનો સંપર્ક કરી રહ્યા હતા અને સૂચિત દારૂ નીતિમાં લાભોના બદલામાં લાંચની માંગણી કરી રહ્યા હતા.