પેરિસ:ભારતીય તીરંદાજ દીપિકા કુમારીએ પેરિસ ઓલિમ્પિકના ૧/૮ એલિમિનેશન રાઉન્ડમાં ડચ તીરંદાજ રોફેન ક્વિન્ટીને ૧/૧૬ એલિમિનેશન રાઉન્ડમાં ૬-૨થી હરાવીને પ્રવેશ કર્યો હતો. દીપિકાએ મેચમાં શરૂઆતથી જ વર્ચસ્વ જમાવ્યું હતું જેના કારણે મેચ તેના પક્ષમાં થઈ ગઈ હતી. દીપિકાએ પ્રથમ સેટની શરૂઆત ૨૯ પોઈન્ટ સાથે કરી હતી, જ્યારે તેની ડચ પ્રતિસ્પર્ધી માત્ર ૨૮ પોઈન્ટ બનાવી શકી હતી. ભારતીય તીરંદાજાે હવે બે સેટ પોઈન્ટથી આગળ હતા, પરંતુ રોફેને મેચમાં પુનરાગમન કર્યું હતું. તેણીએ આગામી સેટમાં દીપિકાના ૨૭ પોઈન્ટની સામે ૨૯ પોઈન્ટ મેળવ્યા હતા અને તેના પ્રતિસ્પર્ધી સાથે સ્કોર ૨-૨થી બરાબર કર્યો હતો. ડચ તીરંદાજે ત્રીજા સેટમાં અજીબોગરીબ શોટ લગાવ્યો, જેના કારણે સ્કોરબોર્ડ પર ૦ પોઈન્ટ થઈ ગયા અને પછી તે સેટ હારી ગયો અને ભારતીય તીરંદાજે છેલ્લા સેટમાં પણ તેનું શાનદાર પ્રદર્શન ચાલુ રાખી તેના પ્રતિસ્પર્ધીને ૬-૨થી હરાવ્યો. ૩૦ વર્ષીય તીરંદાજ દેશનીસૌથી સફળ તીરંદાજ છે, જેણે વર્લ્ડ ચેમ્પિયનશિપમાં બે ગોલ્ડ મેડલ સહિત અનેક મેડલ જીત્યા છે. દીપિકા તેની આગામી મેચ ૩ ઓગસ્ટે બપોરે ૧.૫૨ કલાકે જર્મન હરીફ ક્રોપ મિશેલ સામે રમશે.