નવી દિલ્હી:નીટ પેપર લીકનો મુદ્દો છેલ્લા ઘણા દિવસોથી હેડલાઇન્સમાં છે અને તપાસમાં નવા અપડેટ્સ સામે આવી રહ્યા છે. આ કેસની તપાસ કરી રહેલી એજન્સી સીબીઆઇને વધુ એક સફળતા મળી છે. સંજીવ મુખિયાના નજીકના ચિન્ટુ અને મુકેશ પાસેથી માહિતી મળ્યા બાદ સીબીઆઈએ આરોપી અમન સિંહની ધરપકડ કરવામાં સફળતા મેળવી છે. અમનની ઝારખંડના ધનબાદથી ધરપકડ કરવામાં આવી છે. તમને જણાવી દઈએ કે અમન સિંહ પેપર લીક કેસમાં ફરાર રોકીનો ખૂબ જ નજીક છે અને રોકી રાંચીમાં હોટલ બિઝનેસ સાથે સંકળાયેલા સંજીવ મુખિયાનો ભત્રીજાે છે.દ્ગઈઈ્ પેપર લીક થયા પછી, રોકીએ તેના જવાબો તૈયાર કરવા માટે સોલ્વરોનું આયોજન કર્યું હતું. રોકી ઝારખંડમાં સંજીવ મુખિયા ગેંગની ખાસ સંપત્તિ છે. રાંચી અને પટનાના એમબીબીએસ વિદ્યાર્થીઓને સોલ્વર તરીકે ઉપયોગમાં લેવાતા હતા. મળતી માહિતી મુજબ અમન સિંહની ધરપકડથી રોકી અને સોલ્વર્સ વિશે મહત્વની માહિતી મળી શકે છે.આ સિવાય સીબીઆઈ અમન સિંહની સંજીવ મુખિયાના હાલના લોકેશન વિશે પૂછપરછ કરશે. તેને પૂછપરછ માટે પટના લાવવામાં આવી શકે છે. તમને જણાવી દઈએ કે આ કેસમાં સીબીઆઈ દ્વારા લેવામાં આવેલા આરોપીઓના રિમાન્ડની મુદત આજે ૪ જુલાઈએ પૂરી થઈ રહી છે.દ્ગઈઈ્ પેપર લીક કેસ, પરીક્ષા રદ કરવાની માંગ અને અનિયમિતતા વગેરે સંબંધિત અરજીઓની સુનાવણી ૮મી જુલાઈએ સુપ્રીમ કોર્ટમાં થવાની છે.
Loading ...