જાણીતા અભિનેતા સિદ્દીકીએ એક પ્રખ્યાત અભિનેત્રી દ્વારા લગાવવામાં આવેલા જાતીય સતામણીના આરોપો બાદ રવિવારે એસોસિયેશન ઓફ મલયાલમ મૂવી આર્ટિસ્ટ્‌સના જનરલ સેક્રેટરી પદ પરથી રાજીનામું આપી દીધું છે. અભિનેતાએ એક વાતચીતમાં જણાવ્યું કે તેણે પોતાનું રાજીનામું સંસ્થાના પ્રમુખ મોહનલાલને મોકલી દીધું છે.અભિનેતા સિદ્દીકીએ તાજેતરની વાતચીતમાં કહ્યું કે, હા. મેં મારું સત્તાવાર રાજીનામું સંસ્થાના પ્રમુખ મોહનલાલને આપી દીધું છે. કારણ કે મારા પર આરોપો હતા. તેથી, મેં પદ પર ચાલુ ન રહેવાનો ર્નિણય કર્યો છે અને રાજીનામું આપ્યું છે.એક અભિનેત્રીએ ૨૪ ઓગસ્ટ શનિવારના રોજ અભિનેતા પર આરોપ લગાવ્યો હતો કે સિદ્દીકીએ તેને ફિલ્મની ચર્ચા કરવા માટે બોલાવ્યો હતો. પરંતુ બાદમાં તેનું યૌન શોષણ કરવામાં આવ્યું હતું. જસ્ટિસ હેમા કમિટીના રિપોર્ટના પ્રકાશન બાદ મલયાલમ ફિલ્મ ઉદ્યોગમાં મંથનને પગલે આ આરોપો સામે આવ્યા છે. તેણે આ વિસ્તારમાં કાસ્ટિંગ કાઉચ અને જાતીય શોષણની અનેક ઘટનાઓ તરફ ધ્યાન દોર્યું.આ રિપોર્ટમાં મલયાલમ સિનેમા જગતમાં મહિલાઓના ઉત્પીડન અને શોષણના કિસ્સાઓ સામે આવ્યા હતા. દોષિતો સામે કાર્યવાહી કરવા માંગ ઉઠી હતી. સિદ્દીક મલયાલમ સિનેમાનો જાણીતો ચહેરો છે.