ગ્રેટર નોઈડા:ઉત્તર પ્રદેશના ગ્રેટર નોઈડાના શહીદ વિજય સિંહ પથિક સ્ટેડિયમમાં ૯ સપ્ટેમ્બરથી ૧૩ સપ્ટેમ્બર સુધી અફઘાનિસ્તાન અને ન્યૂઝીલેન્ડની ટીમો વચ્ચે ટેસ્ટ મેચ રમાશે. આ માટે અફઘાનિસ્તાનની ટીમ બુધવારે જ ભારત પહોંચી ગઈ છે. ન્યુઝીલેન્ડની ટીમ ૫ સપ્ટેમ્બરે ભારત પહોંચશે. આ ટીમોની સુરક્ષા વ્યવસ્થાની જવાબદારી પોલીસ કમિશનરેટ ગૌતમ બુદ્ધ નગરની છે, જેને ધ્યાનમાં રાખીને ૬૦૦ પોલીસ કર્મચારીઓ તૈનાત રહેશે પોલીસ કમિશનરેટ ગૌતમ બુદ્ધ નગરમાંથી પ્રાપ્ત માહિતી અનુસાર, બંને ટીમો ૬ સપ્ટેમ્બરથી પ્રેક્ટિસ કરશે. ૮ સપ્ટેમ્બરે સ્ટેડિયમમાં મેચ પહેલા તેને ધ્યાનમાં રાખીને કાર્યક્રમમાં કડક સુરક્ષા વ્યવસ્થા કરવામાં આવી છે. જેમાં ટ્રાફિક, રૂટની વ્યવસ્થા, પાર્કિંગ, પ્રવેશદ્વાર, વીઆઈપી પ્રવાસ, પ્રેક્ષક ગેલેરી પેવેલિયન અને ગ્રાઉન્ડ એરિયા વગેરે ઝોનમાં જુદા જુદા અધિકારીઓની ફરજાે લાદવામાં આવી છે.માહિતી અનુસાર, વીઆઈપી, વીવીઆઈપી અને છ જનરલ સેક્ટરમાં છે. પ્રેક્ષક ગેલેરીમાં બેઠક ઝોન બનાવવામાં આવ્યો છે. ખેલાડીઓની સુરક્ષા, પ્રેક્ટિસ અને રૂટની વ્યવસ્થા, સુરક્ષા અને ટ્રાફિક માટે પૂરતો પોલીસ બંદોબસ્ત પણ ગોઠવવામાં આવ્યો છે. આ સાથે કંટ્રોલ રૂમની પણ સ્થાપના કરવામાં આવી છે. ૬૦૦ જેટલા પોલીસકર્મીઓ ફરજ પર તૈનાત કરવામાં આવ્યા છે. આ સિસ્ટમમાં ચાર એસીપી, બે એડીસીપી અને એક ડીસીપી તૈનાત કરવામાં આવ્યા છે. સમગ્ર વિસ્તારને ઝોન અને સેક્ટરમાં વિભાજીત કરીને, એક મજબૂત સુરક્ષા વ્યવસ્થા સુનિશ્ચિત કરવામાં આવી છે અને મેચ શાંતિપૂર્ણ અને સફળતાપૂર્વક યોજવામાં આવી શકે છે. ટ્રાફિક વ્યવસ્થાને ધ્યાનમાં રાખીને પોલીસ દ્વારા ટૂંક સમયમાં ટ્રાફિક પ્લાન અને ડાયવર્ઝન પ્લાન બહાર પાડવામાં આવશે.