મ્યાનમારથી ભારતમાં ૮ ટ્રક ઘુસ્યાઃ ૪.૧૮ કરોડ રૂપિયાનું હેરોઈન સાથે બે કેરિયરની ધરપકડ

આઈઝોલ

આસામ રાઈફલ્સ અને મિઝોરમ પોલીસે બે અલગ અલગ અભિયાનોમાં ૪.૩૪ કરોડ રૂપિયાથી વધારેનું હેરોઈન અને વિદેશી સિગરેટ જપ્ત કરી છે. આ જાણકારી અર્ધસૈનિક દળ દ્વારા એક નિવેદનમાં આપવામાં આવી છે. અસમ રાઈફલ્સ અને મિઝોરમ પોલીસના સંયુક્ત દળે આઈઝોલના ફોકલેન્ડ વિસ્તારમાં એક સંયુક્ત અભિયાન ચલાવ્યું તથા આ દરમ્યાન ૫૯૮ ગ્રામ હેરોઈન જપ્ત કર્યું છે. એક અન્ય અભિયાનમાં મીઠી સુપારીથી લદેલા ૮ ટ્રક અને ૨૨ હજાર સિગરેટના પેકેટ પણ જપ્ત કર્યા છે.

અર્ધ સૈનિક દળના જવાનોએ આગળ કહ્યું કે, ૪.૧૮ કરોડ રૂપિયાનું હેરોઈન રાખવાના આરોપમાં બે લોકોની ધરપકડ કરી છે. તેમાંથી એક મણિપુરનો રહેવાસી છે. એક અન્ય અભિયાનમાં અસમ રાઈફલ્સે ૧૬ લાખ રૂપિયાની કિંમતની વિદેશી સિગરેટના ૨૨,૦૦૦ પેકેટ જપ્ત કર્યા છે. આ ખેપને મ્યાંમારથી તસ્કરીને દક્ષિણ મિઝોરમના સિયાહા જિલ્લાના લુંગપુક ગામમાં લાવવામાં આવ્યો હતો. મોટી માત્રામાં નશીલા પદાર્થની જપ્તી બાદ સુરક્ષા વ્યવસ્થા કડક કરી દેવામાં આવી છે. સાથે જ સુરક્ષા એજન્સીઓ અને પોલીસ એલર્ટ પર રહેવાના નિર્દેશ આપી દીધા છે.

આ દરમ્યાન મિઝોરમ પોલીસે યંગ મિઝો એસોસિએશનના સ્વયંસેવકોના સહયોગથી મ્યાંમાથી તસ્કરી કરીને લાવેલા સુકાયેલી સોપારીથી ભરેલા આઠ ટ્રક જપ્ત કર્યા છે. આ કાર્યવાહી બુધવારે સૈતુઅલ જિલ્લાના સેલિંગમાં એક સંયક્ત અભિયાન દરમ્યાન કરવામાં આવી છે. તેમણે જણાવ્યું કે, આ મામલામાં ૧૦ લોકોની ધરપકડ કરી છે. સુરક્ષા એજન્સીઓ એ વાતને શોધી રહી છે કે આખરે સુકાયેલી સોપારીની આટલી મોટી ખેપ ક્યાં લઈ જવામાં આવતી હતી અને તેની પાછળ કોનો હાથ છે.

પશ્ચિમ બંગાળના ઉત્તર ૨૪ પરગના જિલ્લાના પેટ્રાપોલમાં ભારત-બાંગ્લાદેશ આંતરરાષ્ટ્રીય સરહદના રસ્તે ૨.૨૫ કરોડ રૂપિયાની સોનાની તસ્કરીનો પ્રયાસ કરવાના આરોપમાં ત્રણ લોકોની ધરપકડ કરી છે. સીમા સુરક્ષા દળના એક અધિકારીએ આ જાણકારી આપી છે. સીમ સુરક્ષા દળના અધિકારીએ જણાવ્યું કે, જિલ્લામાં ગુપ્ત સૂચના પર અલગ અલગ ઘટનાઓ પર કાર્યવાહી કરતા બીએસએફ કર્મીઓએ બાંગ્લાદેશથી ભારતમાં પ્રવેશ કરવતા ટ્રકોની તલાશી લીધી અને એક વાહનમાંથી ૧.૫૮ કરોડ રૂપિયાની કિંમતના ૨.૫ કિલોગ્રામ સોનાના બિસ્કીટ જપ્ત કર્યા અને બે લોકોની પણ ધરપકડ કરી

લીધી છે.