દેહરાદૂન

શહેરમાં આજે સવારે એક દુઃખદ માર્ગ અકસ્માતમાં ૬ લોકોના મોતનો મામલો સામે આવ્યો છે. આ અકસ્માત શનિવારે સવારે દેહરાદૂન-મસૂરી રોડ પર થયો હતો. આ દુર્ઘટના મસૂરી-દેહરાદૂન રોડ પર ચુનાખલ પાસે ત્યારે થઈ જ્યારે એક કાર કાબૂ બહાર ગઈ અને ઊંડી ખાઈમાં પડી. જણાવવામાં આવી રહ્યું છે કે કારમાં ૬ લોકો હતા, જેમાં તમામ ૬ લોકોના મોત થયા હતા. માર્યા ગયેલા લોકોમાં કારમાં મુસાફરી કરી રહેલા ચાર યુવક અને બે યુવતીનો સમાવેશ થાય છે. આ તમામ લોકો મુલાકાત માટે આવ્યા હતા. હાલ પોલીસ, ફાયર સર્વિસ અને એલડીઆરએફ બચાવ કાર્યમાં લાગ્યા હતાં. આ તમામ ૬ લોકો રાજપુર રોડ પર સ્થિત એક કોલેજમાં અભ્યાસ કરતા હતા. બધા મિત્રો હોવાનું કહેવાય છે. જેમાં ૪ યુવકો અને ૨ યુવતીઓ મસૂરી ફરવા ગયા હતા. દરમિયાન આ લોકો શનિવારે સવારે મસૂરીથી દહેરાદૂન પરત ફરી રહ્યા હતા ત્યારે ચુનાખલ પાસે આ અકસ્માત થયો હતો. અચાનક તેમની કાર કાબૂ બહાર નીકળી ગઈ અને ઊંડી ખાઈમાં પડી, જેના કારણે પાંચ લોકોના ઘટનાસ્થળે જ કરૂણ મોત થયા. અકસ્માતમાં ઘાયલ એક છોકરીને હોસ્પિટલમાં દાખલ કરવામાં આવી હતી, જેનું પાછળથી મોત થયું હતું. અકસ્માતનો અવાજ સાંભળીને આસપાસના લોકો ઘટના સ્થળે પહોંચી ગયા હતા. સ્થાનિક લોકોએ જ પોલીસ અને એસડીઆરએફને આ અંગે જાણ કરી હતી. અકસ્માતની માહિતી મળતા જ પોલીસ ઘટના સ્થળે પહોંચી ગઈ હતી. ખૂબ જ મહેનત પછી બધાને ખાડામાંથી બહાર કાઢવામાં આવ્યા. રેસ્ક્યુ ટીમ ખાડા સુધી પહોંચી ત્યાં સુધીમાં કારમાં સવાર ચાર યુવકોના મોત થઈ ચૂક્યા હતા. ત્યાં સુધીમાં બે છોકરીઓ શ્વાસ લઈ રહી હતી. થોડા સમય પછી, બીજી છોકરીનું પણ મૃત્યુ થયું. બીજી યુવતીને સારવાર માટે હોસ્પિટલમાં દાખલ કરવામાં આવી હતી, જેનું સારવાર દરમિયાન મોત નીપજ્યું હતું.