દિલ્હી-
રાજયના રાજમાર્ગો કરતા રાષ્ટ્રીય ધોરીમાર્ગો પર વધુ માર્ગ અકસ્માત થાય છે. સંસદમાં ૨૦૧૭ થી ૨૦૧૯ દરમિયાન રજૂ કરવામાં આવેલા આંકડા અનુસાર, ૨૦૧૯માં, જયારે રાષ્ટ્રીય ધોરીમાર્ગો પરના ૨૦૧૯ માં કુલ માર્ગ અકસ્માતોના ૩૦.૫ ટકા જેટલા માર્ગ અકસ્માત થયા છે, જયારે ૨૦૧૭ માં રાજયના રાજમાર્ગો પરના માર્ગ અકસ્માતો ૨૪.૩ ટકા હતા.
માહિતી અનુસાર, ૨૦૧૭માં રાષ્ટ્રીય ધોરીમાર્ગો પર ૧,૪૧,૪૬૬ માર્ગ અકસ્માત અને રાજય રાજમાર્ગો પર ૧૧૬૧૫૮ માર્ગ અકસ્માત સહિત કુલ ૪,૬૪,૯૧૦ માર્ગ અકસ્માત થયા હતા. ૨૦૧૮માં રાષ્ટ્રીય ધોરીમાર્ગો પર ૧,૪૦,૮૪૩ માર્ગ અકસ્માતો સહિત ૪,૬૭,૦૪૪ માર્ગ અકસ્માત થયા હતા, જયારે રાજયના રાજમાર્ગો પર ૧૧૭૫૭૦ લોકો મૃત્યુ પામ્યા હતા. ૨૦૧૯ માં કુલ ૪,૪૯,૦૦૨ માર્ગ અકસ્માત ૧,૩૭,૧૯૧ રાષ્ટ્રીય ધોરીમાર્ગો પર બન્યા, જયારે રાજયના રાજમાર્ગો પર ૧૦૮૯૭૬ ઘટનાઓ બની. આપેલી માહિતી મુજબ માર્ગ અકસ્માતનાં મુખ્ય કારણો ખૂબ જ ઝડપે વાહન ચલાવવું, નશામાં / દારૂ પીને વાહન ચલાવવું, લેન ઇન્સિડિપ્લિન, મોટર વાહન ચાલકની ખામી, વાહન ચલાવતા સમયે મોબાઈલ ફોનનો ઉપયોગ વગેરે છે.
કેટલાક રાજયોમાંથી પસાર થતા રાષ્ટ્રીય ધોરીમાર્ગો પર વધુ માર્ગ અકસ્માત થાય છે. વર્ષ ૨૦૧૯માં તમિળનાડુના રાષ્ટ્રીય ધોરીમાર્ગો પર ૧૭૬૩૩, ઉત્તર પ્રદેશમાં ૧૬૧૮૧ અને કર્ણાટકમાં ૧૩૩૬૩ અકસ્માત થયા હતા. કેરળ અને મધ્યપ્રદેશના રાષ્ટ્રીય ધોરીમાર્ગો પર અનુક્રમે ૯૪૫૯ અને ૧૦૪૪૦ માર્ગ અકસ્માત થયા છે. રાજયના રાજમાર્ગો પર થતા અકસ્માતોના મામલે તામિલનાડુ ૨૦૧૯ માં ટોચ પર છે. ૨૦૧૯ માં ૧૯૨૭૯ માર્ગ અકસ્માત થયા હતા. ઉત્તર પ્રદેશમાં રાજયના રાજમાર્ગો પર ૧૩૪૦૨ માર્ગ અકસ્માત થયા હતા. જયારે મધ્યપ્રદેશના રાજયમાર્ગો પર ૧૩૧૬૬ માર્ગ અકસ્માત થયા હતા, જયારે કર્ણાટકના રાજય ધોરીમાર્ગો પર ૧૦૪૪૬ લોકો માર્ગ અકસ્માતનો ભોગ બન્યા હતા.
દેશભરમાં વર્ષ ૨૦૧૬ થી ૨૦૧૯ સુધીના આંકડા મુજબ, જયાં વર્ષ ૨૦૧૬માં કુલ ટુ-વ્હીલર ડ્રાઇવરોનાં મોત ૨૯.૪ ટકા હતા, ૨૦૧૯માં આ આંકડો વધીને ૩૭.૧ ટકા થયો છે. વર્ષ ૨૦૧૬માં સંસદમાં રજૂ કરાયેલા આંકડા મુજબ, ભારતમાં કુલ ૪૮૦,૬૫૨ માર્ગ અકસ્માત થયા હતા. જેમાં ૧૬૨૨૮૦ દુર્ઘટના ધરાવતા અકસ્માત હતા. વર્ષ ૨૦૧૭, ૨૦૧૮ અને ૨૦૧૯માં ભારતમાં માર્ગ અકસ્માતો અનુક્રમે ૪૬૪,૯૧૦, ૪૬૭,૦૪૪ અને ૪,૪૯,૦૦૨ હતા, જેમાં ટુ-વ્હીલર અકસ્માતો અનુક્રમે ૧૫૭૭૨૩, ૧૬૪૩૧૩ અને ૧૬૭૧૮૪ હતા. વર્ષ ૨૦૧૬માં માર્ગ અકસ્માતમાં કુલ ૧૫૦,૭૮૫ લોકોનાં મોત નીપજયાં હતાં, જેમાં ૪૪૩૬૬ ટુ-વ્હીલર હતા. વર્ષ ૨૦૧૯ માં માર્ગ અકસ્માતમાં કુલ ૧૫૧,૧૧૩ વ્યકિતઓનાં મોત થયાં, જેમાં ૫૬૧૩૬ દ્વિચક્રી વાહનો હતા.વિશ્વ બેંક દ્વારા તાજેતરમાં જારી કરાયેલા એક અહેવાલમાં જણાવાયું છે કે ભારત માર્ગ અકસ્માતમાં સૌથી મોટી જાનહાનિ છે. વિશ્વના વાહનોનો માત્ર એક ટકા હિસ્સો ભારતમાં છે, પરંતુ માર્ગ અકસ્માતમાં વિશ્વના મૃત્યુમાં ભારતનો હિસ્સો ૧૧ ટકા છે. દેશમાં દર કલાકે ૫૩ માર્ગ અકસ્માત થાય છે અને દર ચાર મિનિટમાં એક મૃત્યુ થાય છે.અહેવાલ મુજબ, છેલ્લા દાયકામાં, ૧૩ લાખ લોકો ભારતીય માર્ગો પર મૃત્યુ પામ્યા હતા અને વધુમાં ૫૦ લાખ લોકો ઘાયલ થયા હતા. રિપોર્ટમાં કહેવામાં આવ્યું છે કે ભારતમાં માર્ગ અકસ્માતોને કારણે ૫.૯૬ લાખ કરોડનું નુકસાન થયું છે, જે કુલ સ્થાનિક ઉત્પાદન (જીડીપી) ના ૧૪.૧ ૩. ટકા જેટલું છે.
માર્ગ પરિવહન અને હાઇવે મંત્રાલયે તાજેતરમાં કરેલા અધ્યયનમાં એવો અંદાજ લગાવવામાં આવ્યો છે કે ભારતમાં માર્ગ અકસ્માત રૂ. ૧,૪૭,૧૧૪ કરોડનું સામાજિક અને આર્થિક નુકસાન કરે છે, જે જીડીપીના ૦.૭૭ ટકા જેટલું છે. મંત્રાલયના જણાવ્યા અનુસાર, માર્ગ અકસ્માતોનો ભોગ બનેલા ૭૬.૨ ટકા લોકો એવા લોકો છે જેમની ઉંમર ૧૮ થી ૪૫ વર્ષની વચ્ચે છે, એટલે કે આ લોકો વર્કિંગ વય જૂથમાં છે.
Loading ...