નવી દિલ્હી:દેશમાં વરસાદ બાદ બનતી ઘટનાઓમાં નોંધપાત્ર વધારો થયો છે. સતત વરસાદ બાદ ભૂસ્ખલન, પૂર અને દિવાલ ધરાશાયી થવાની ઘટનાઓ પ્રકાશમાં આવી રહી છે. ભારતના ઉત્તર-પૂર્વીય રાજ્યો મિઝોરમ અને આસામમાં સતત વરસાદને કારણે જનજીવન અસ્તવ્યસ્ત થઈ ગયું છે,

મિઝોરમની રાજધાની આઈઝોલની બહાર ભૂસ્ખલનને કારણે એક મકાન ધરાશાયી થઈ ગયું છે. જેમાં ૪ વર્ષની બાળકી સહિત ત્રણ લોકોના મોત થયા છે. આ મામલે આઈઝોલના એસપી રાહુલ અલવાલે જણાવ્યું કે સવારે સતત વરસાદને કારણે આ ઘટના બની હતી અને તે સમયે બિલ્ડિંગમાં રહેતા મોટાભાગના લોકો સૂઈ રહ્યા હતા. તેમણે જણાવ્યું કે આ દરમિયાન પરિવારના કેટલાક સભ્યો ત્યાંથી ભાગવામાં સફળ થયા, જ્યારે એક દંપતી અને તેમની ૪ વર્ષની પુત્રી કાટમાળ નીચે દટાઈ ગયા.

 એસપીએ જણાવ્યું કે અકસ્માત બાદ તરત જ બચાવ કામગીરી શરૂ કરવામાં આવી હતી અને સવારે સાડા દસ વાગ્યે દંપતી અને તેમની પુત્રીના મૃતદેહ બહાર કાઢવામાં આવ્યા હતા. આ ઉપરાંત, આઈઝોલના ઉત્તર ભાગમાં જુઆંગતુઈ વિસ્તારમાં ત્રણ ઈમારતો અને બાવાંગકોન વિસ્તારમાં એક ઈમારત પણ ભૂસ્ખલનમાં ધોવાઈ ગઈ હોવાનું અધિકારીઓએ

જણાવ્યું હતું.

જાે કે, કોઈ જાનહાનિના સમાચાર નથી, કારણ કે દરેક વ્યક્તિએ એક રાત અથવા એક અઠવાડિયા પહેલા તેમના ઘરો ખાલી કર્યા હતા. રાજ્યમાં શાળા શિક્ષણ વિભાગે ખરાબ હવામાનને કારણે મંગળવારે તમામ શાળાઓ બંધ રાખવાની જાહેરાત કરી છે. સોમવારથી ભારે વરસાદથી મિઝોરમના ઘણા ભાગો પ્રભાવિત થયા છે, જેના કારણે સમગ્ર રાજ્યમાં ઘણું નુકસાન થયું છે. રવિવારે રાજ્યના ડિઝાસ્ટર મેનેજમેન્ટ અને રિહેબિલિટેશન ડિપાર્ટમેન્ટે ભારે વરસાદ અને વાવાઝોડાની આગાહીમાં એલર્ટ જાહેર કર્યું હતું.

મે મહિનામાં, રાજ્યની રાજધાની આઇઝોલ વિસ્તારમાં ભૂસ્ખલનથી ૩૪ લોકો માર્યા ગયા હતા, મંગળવારે એક દિવાલ ધરાશાયી થતાં છ મહિનાના બાળક સહિત બે લોકોના મોત થયા હતા અને સાત અન્ય લોકો ઘાયલ થયા હતા. ઘર પડી ગયું છે.

મળતી માહિતી મુજબ, ઉધરબોંડ પોલીસ સ્ટેશન વિસ્તારના ચલતાકાંડી વિસ્તારમાં અકસ્માત સમયે એક રૂમમાં પરિવારના ૯ સભ્યો હતા, જ્યારે દિવાલ પડી હતી, જેના કારણે બે લોકોના ઘટનાસ્થળે જ મોત થયા હતા અને ઘણા ઘાયલ થયા હતા. આ અકસ્માતમાં ઘાયલોને પડોશીઓએ બચાવીને સિલચર મેડિકલ કોલેજ હોસ્પિટલમાં દાખલ કર્યા હતા.